Лиса Кудроу, актерката која ја играше Фиби во серијата, се осврна на некои коментари што младите обожаватели и критичарите ги имаа за серијата. Меѓу другото, на интернет се појавија коментари дека сите шест пријатели биле бели и иако живееле во таков град како Њујорк, ретко комуницирале со луѓе кои не се од нивната раса.

- Ох, би било комплетно различно. Сите актери не би биле бели, сигурно - изјавила Кудроу за „Д Сандеј тајмс“.

- Не сум сигурна за другите работи, но според мене, на неа треба да се гледа како на временска капсула, не на она што било направено погрешно - изјавила Кудроу.

Актерката, слично како што нејзиниот колега Дејвид Швимер кажал порано, повторила дека многу делови од „Пријатели“ се сметале за револуционерни за телевизијата во тоа време.


- Исто така, оваа серија се сметаше дека е многу прогресивна. Имаше човек чија жена открила дека е геј и бремена и тие го воспитуваа детето заедно? Имавме и сурогат-мајка. Во тоа време беше прогресивно - кажала Кудроу.

Швимер претходно признал дека е свесен за недостатокот на диверзитет во серијата и се борел за неговиот лик, Рос, да излегува со повеќе жени од друга раса.

- Една од првите девојки кои ги имав во серијата беше Азијка-Американка, а подоцна излегував со Афроамериканка - изјавил Швимер.

Извор: vulture.com