Доколку се обидете да патувате на меѓународно ниво без пасош, веројатно ќе ве запре персоналот на аеродромот пред да ја напуштите вашата земја. Дури и ако успеете да стигнете до друга земја, обидот да ја поминете граничната контрола ќе резултира со тешки последици.

Но, за тројца луѓе на оваа планета пасошите не се проблем кога патуваат низ светот. Овие привилегирани патници се императорот Нарухит и царицата Масако од Јапонија, и кралот Чарлс III од Обединетото Кралство.

Ова уникатно правило потекнува од претходните монарси, вклучувајќи ја и кралицата Елизабета Втора. Актуелниот монарх на Обединетото Кралство има документ на негово име кој обезбедува меѓународно патување без проблеми. Сепак, оваа патничка поволност не се однесува на членовите на нивното семејство. На пример, кралицата-придружничка Камила, сопругата на Чарлс, мора да има дипломатски пасош за да може да патува.

Во Јапонија, директивата на Министерството од 1971 година ја отфрла потребата од пасоши за императорот и царицата бидејќи едноставно не изгледало во ред да се натера директниот потомок на божицата на сонцето, Аматерасу, да помине низ типични процедури за имиграција како обичните луѓе (како и во Обединетото Кралство, ова отстапување е ексклузивно за монарсите и не важи за другите членови на јапонското царско семејство).

Овие уникатни аранжмани за патување бараат детална координација помеѓу претставници на високо ниво од вклучените земји.

Сер Клајв Алдертон, долгогодишен приватен секретар на кралот Чарлс III, ја презема одговорноста за патувачката логистика на монархот. Во Јапонија, Министерството однапред ја информира земјата каде што одат монарсите за нивното пристигнување.

Извор: Boingboing.net
Фото: Freepik