За да им излезе во пресрет на корисниците, „Инстаграм“ најави уште една опција во рамките на своите апликации што ќе помогне да се спречи поставување на пораки што би можеле да се сметаат за навредливи.

Пред неколку месеци „Инстаграм“ воведе алатка што ги известува луѓето кога нивните коментари би можеле да бидат навредливи, пред да бидат поставени. Алатката користи вештачка интелигенција за да открие потенцијално навредливи наслови.

Оние што ќе напишат таква порака ќе добијат кратко известување дека нивниот наслов е сличен на оној што се пријавува како малтретирање и им се советува да размислат за својата порака. „Инстаграм“ ќе им дозволи на корисниците да ја променат пораката пред да ја испратат, доколку е означена како потенцијално навредлива.