Чест ни е да ја најавиме новата тренинг-програма - Дизајнирање чипови со HDL (Hardware Description Language/Хардверски описен јазик)! Пред да навлеземе во детали - следува краток вовед за програмата.

Ова е тренинг-програма која има цел да објасни како се дизајнираат модерните компјутерски системи на најниско ниво и кои се спецификите на оваа методологија. Оваа технологија е достапна насекаде во светот, но многу помалку на нашиве простори. Во IT Labs фокусот ни е на градење тим од висококвалификувани инженери кои ќе се стручни во сферата на создавање и развивање дигитални системи со користење HDL (Hardware Description Language) на различни типови силиконски архитектури како на пример: CPLD, FPGA и потенцијално ASIC. Со поддршка од нашите колеги и партнери, IT Labs има развиено едукативен план и програма со која учесниците ќе се здобијат со знаење и вештини потребни за дизајнирање и верификација на концепти развиени со HDL. Тренинг-програмата вклучува работа на практични примери, проекти и стекнување искуство со користење FPGA и CPLD чипсети кои ќе бидат конфигурирани да извршуваат различен тип податочно и сигнално процесирање.

Оваа методологија е наменета за дизајнирање комплексни специфични дигитални системи кои не може да се набават на друг начин. Моделирањето се изведува со користење јазици наменети за текстуално опишување кои ги дефинираат процесите и обработката која се изведува со дигиталните компоненти, кои го градат комплексниот систем. Користената HDL синтакса во оваа тренинг-програма ќе биде VHDL (Very High-Speed Integrated Circuit Hardware Description Language), а целната архитектура ќе биде CPLD и FPGA.

Оваа тренинг-програма е наменета за студентите на техничките факултети каде што се изучуваат електроника и информатички науки и лица со диплома по компјутерски науки и инженерство (или сродни насоки).

• Основно познавање на вгнездени системи

• Основно познавање на изработка на софтверски решенија во програмски јазик С или асемблер

В четврток, 23 февруари, со почеток од 17 часот, ќе биде одржан онлајн Отворен ден за тренинг програма на IT Labs за дизајнирање чипови со HDL, на кој Благој Ќупев, CIO во IT Labs, ќе ги претстави програмата, модулите на програмата, ќе објасни повеќе за технологијата која ќе се изучува на овој тренинг, како и потребните способности и квалификации кои кандидатите би требало да ги поседуваат за да можат успешно да ја завршат тренинг-програмата!

Сакате да присуствувате на отворениот ден? Пријавете го вашето онлајн присуство на наредниот линк: https://zurl.co/ZStO

За сите што нема да бидат во можност да присуствуваат на онлајн отворениот ден, ќе биде одржан отворен ден за истата програма, овој пат во Арената на IT Labs, на 1 март, со почеток во 17 часот, на кој повторно Благој Ќупев ќе ја води програмата која ќе ја има истата агенда како и на онлајн отворениот ден. Овој настан ќе биде само со физичко присуство.

Доколку сакате да присуствувате, потребно е да се пријавите на наредниот линк: https://zurl.co/UCwO

Испратете го вашето резиме или кратка биографија овде: https://apply.workable.com/it-labs1/j/AD65D8B917/

(Комерцијална објава)