Според научните истражувања, да се биде во близина на вода и едноставно да се гледа во неа му помага на нашето ментално здравје на безброј начини и можеби е клучот за трајна среќа.

Научникот Валас Џ. Николс го измислил терминот „син ум“. Според него, терминот „син ум“ опишува блага медитативна состојба во која паѓаме кога сме близу вода.

Водата ја доживуваме со сите наши сетила

Водата влијае врз сите пет сетила истовремено обезбедувајќи ни сосема ново, поинакво искуство. Замислете како пливате во мирен залив. Водата ја чувствувате на вашата кожа, тече и се бранува додека се движите.

Во воздухот има мирис на сол кој можете да го почувствувате додека го вдишувате. Можеби ќе можете да ги помирисате морските алги. Сцената е преплавена со зелено и сино, а вие ја гледате сончевата светлина како танцува на површината на водата.

Сината боја има терапевтски ефект

Ако погледнете во морето или езерото каде што се рефлектира небото, нивните сини светлосни бранови ја прават својата магија врз вас.

Познато е дека сината боја има смирувачки, релаксирачки, а сепак енергетски ефект врз нашите умови и тела поради нејзината специфична бранова должина.

Друга причина зошто сината боја е толку смирувачка за нас, според некои научници, е тоа што еволуиравме на планета каде што сината боја на океанот преовладува.

Престојот во вода ги балансира нашите хормони


Катехоламините се произведуваат од надбубрежните жлезди кога сте физички или емоционално под стрес, зголемувајќи го вашиот крвен притисок, отчукувањата на срцето и дишењето.

Водата е природна средина на нашето тело. Кога сте во вода, вашето тело испраќа сигнали за промена на рамнотежата на катехоламините, ниво кое е слично на рамнотежата што се наоѓа кога медитирате или се релаксирате. Значи, кога пливате, всушност медитирате во вода.

Имаме вродена врска со природата

За време на еволуцијата сме поминале милиони години живеејќи во отворени савани и празни брегови отколку во нашите бетонски џунгли денес.

Значи, логично е кога ќе се најдеме во овие природни средини, веднаш да се чувствуваме опуштено. Во 1984 година биологот и натуралист Едвард О. Вилсон го измислил терминот „биофилија“ за да ја опише неговата теорија дека луѓето имаат инстинктивна врска со природата вкоренета во нашите гени.

Движењето на водата создава смирувачки розов шум

Без разлика дали се работи за океански бранови или дури и вештачки бранови во базен, или само жуборење на река, звуците што ги слушате спаѓаат во категоријата наречена „розов шум“.