Во 12 градови во земјава нема ниеден активен случај на коронавирус
Во вкупно 12 во Македонија во моментов нема ниту еден активен случај на коронавирус, а во 8 има само по еден, стои во последниот извештај на Министерството за здравство.
Бројот на активни случаи во целата земја сега изнесува 251, а најголем дел од нив се во Скопје – 92. Освен во главниот град, двоцифрен број на активни случаи моментално има во само уште 5 градови: Куманово (34), Тетово (24), Прилеп (22), Охрид (16) и Кичево (16).
Сите останати градови имаат по помалку или воопшто немаат активни случаи на коронавирус. Притоа, 12-те градови кои моментално се слободни од вирусот се: Кавадарци, Неготино, Свети Николе, Ресен, Берово, Пробиштип, Валандово, Богданци, Демир Капија, Пехчево, Македонска Каменица и Дојран.
Во табелата во продолжение можете да видите по колку активни случаи има и во другите градови.
Вкупната бројка на ковид-дијагностицирани лица во нашата земја од почетокот на епидемијата изнесува 155.645, бројката на оздравени пациенти е 149.916, а на починати е 5.478.