Претходно оваа година, „Трон“ го доби „Битторент“ и го лансираше проектот „Атлас“ - нова иницијатива за децентрализирање на содржината на интернетот користејќи блокчејн технологија.
Наредната недела во „Хард Форк Децентралајз“ „Трон“ ќе биде домаќин на настан во кој ќе се разговара за иднината на дистрибуцијата на содржини на „peer-to-peer“. За таа цел, веб-страницата „Д некст веб“ направи интервју со „Трон“.
Пред неколку месеци, „Трон“ се најде на насловните страници затоа што го купи „Битторент“ за 126 милиони долари. Зошто баш „Битторент“, а не некој друг провајдер на технологијата „peer-to-peer“?
„Трон“: Едноставно, ја делиме истата визија. Гледате дека сè повеќе се недостапни ваквите видови содржини - без разлика дали тоа е „Нетфликс“, „Дизни“, „Јутјуб“ или било кој друг. „Битторент“ и „Трон“ веруваат дека интернетот не треба да биде контролиран од централизирани, компании за профит и треба да биде во рацете на луѓето во една глобална, безгранична економија.
Како дојде до купувањето и каква улога игра аквизицијата во мисијата на „Трон“ да го претстави блокчејнот на народот?
Пред купувањето, „Битторент“ бараше начини да ги поттикне своите корисници. Можноста за здружување на силите со „Трон“ пристигна во совршено време. Сега, ние комбинираме на веќе успешна „peer-to-peer“ мрежа со нова блокчејн технологија за да им дадеме на создавачите на содржини, слобода да ја дистрибуираат таа содржина директно до корисниците - елиминирајќи ги посредниците кои контролираат што се гледа и колку тие заработуваат од нивната содржина.
Како дел од проектот „Атлас“, постојат планови за мигрирање на 100 милиони корисници на „Битторент“ во мрежата на „Трон“. Земајќи ги во предвид проблемите поврзани со блокчејнот, како „Трон“ ќе осигура дека неговата мрежа може да се справи со 100 милиони корисници?
Навистина нема ограничување на бројот на корисници или луѓе во блокчејн заедницата. Ако прашувате за брзината на обработка на трансакцијата што е од суштинско значење за ефикасноста на пазарот, тестовите покажаа дека нашата трансакција по секунда е далеку подобра од повеќето мрежи. Со технологија што напредува секој ден и постојано инвестирање, ние сме убедени дека нашата мрежа ќе има капацитет да се справи со нашата моментална и идна публика.
Како „Трон“ ќе осигура дека неговата мрежа ќе остане децентрализирана, а исто така ќе им посака добредојде на милиони нови корисници?
Децентрализацијата е суштината на она што го прават „
Трон“ и „Битторент“. Имаме тимови низ светот кои разбираат дека ова е приоритет и кои работат на одржување на истите одлични стандарди за кои се познати двете компании. Ги поздравуваме повеќето поединци и компании да се вклучат во управувањето со мрежата и заедно да ја забрзаме децентрализацијата на интернетот. Новите програми, како што е „Трон забрзувач“, девелоперска програма од 1 милион долари, исто така ќе обезбеди мрежата да остане децентрализирана и отвоерна за иновации што доаѓаат од заедницата на програмери.