Рускиот претседател Владимир Путин пушти во употреба нова подморница која може да носи нуклеарни боеви глави што можат да предизвикаат разорно цунами.

Путин денеска го посети военото бродоградилиште во Санкт Петербург каде што го надгледуваше заминувањето на нуклеарната подморница до централата Севмаш во Северодвинск, Северозападна Русија.

Руската морнарица соопшти дека подморницата е наменета да носи дронови „посејдон“, кои идната година ќе бидат во употреба.

„Посејдон“ може да гаѓа крајбрежни подрачја со тешко нуклеарно оружје, кое може да предизвика цунами.

Извор: МИА