Многу луѓе не знаат колку се навистина богати. Истражувањата покажуваат дека постои јаз помеѓу субјективната перцепција на богатството и статистички реалното богатство на Германците.

Ова јасно се гледа од сегашниот (шести) извештај на федералната влада за сиромаштијата и богатството, кој се објавува еднаш годишно. Голем дел од граѓаните веруваат дека можат да зборуваат за богатство само ако имаат нето-приход од околу 9.000 евра месечно. Но, тие се богати со многу помалку пари.

Во Германија, просечниот приход моментално е 1.947 евра нето (што одговара на приближно 3.000 евра бруто). Тоа значи дека има луѓе што заработуваат помалку од оваа граница исто колку што има луѓе чија плата е повисока. Оваа нето-плата е точно на средина на сите плати. Се смета дека имате висок приход ако заработувате двојно од просечниот приход. Значи моментално е 3.894 евра нето.

Тоа е нето-приходот со кој некој се смета за богат, за кој би бил потребен бруто-приход од најмалку 6.100 евра.

Но, граѓаните гледаат сосема поинаку на тоа. Ова го открива и извештајот за сиромаштијата и богатството: луѓето што се сиромашни веруваат човек е богат само ако има нето-плата од 7.458 евра. Средната класа верува дека човек е богат со 8.892 евра нето-плата, а богатите веруваат дека човек е богат ако има 9.722 нето-плата. Да појасниме: во првата даночна група, за нето-плата од 9.000 евра месечно би требало да заработувате околу 16.000 евра бруто.

Се разбира, само приходот не е одлучувачки фактор за богатството. Поважен е имотот. Според истражувањето на „Бундесбанк“, најсиромашните 20 отсто од населението имаат имот од помалку од 6.900 евра. Најбогатите 10 отсто во Германија имаат најмалку 725.900 евра. Просечното богатство во Германија е 110.022 евра.

Германците многу подобро препознаваат кога во Германија луѓето се сметаат за сиромашни. Во извештајот за сиромаштија и богатство, сите групи на население проценуваат дека сиромашни се оние што имаат нето-плата од околу 1.000 евра. Тоа одговара на речиси реалната линија на сиромаштија која статистички изнесува 1.168 евра нето.

Извор: Atvbl.rs
Фото: Freepik