Температурата во собата за спиење треба да биде околу 18 Целзиусови степени, што е идеално. Температурата на телото се намалува за време на спиењето, а свежата, но не и студена соба ќе ви помогне да се чувствувате удобно и да одржите добар сон во текот на целата вечер. На бебињата можеби ќе им е потребна малку повисока собна температура за спиење, но не повеќе од неколку дополнителни степени за нивните тела да не се прегреат.

Постојат научни причини зошто собната температура од околу 18,3 степени е оптимална за добар ноќен сон. Ова се поврзува со регулацијата на внатрешната температура на нашето тело.

Внатрешната температура на телото се менува во текот на 24 часа. Тоа е познато како циркадијален ритам. Телото почнува да се загрева кога ќе си легнеме и продолжува да се лади додека не ја постигне најниската точка во околу 5 часот наутро. Телото се лади со ширење на крвните садови во кожата. Кога нашата температура навечер ќе почне да паѓа, можеби ќе забележиме дека рацете и стапалата на почетокот ни се потопли. Тоа е така затоа што нашето тело испушта топлина за преку нив да побегне и да се намали температурата на нашето тело.

Ако температурата во собата за спиење е превисока или прениска, тоа може да влијае врз падот на внатрешната температура на нашето тело и да предизвика нарушување на сонот.

Студија од 2012 година открива дека температурата во собата во која спиеме е еден од најважните фактори за квалитетен сон. Во рамките на друга студија, пак, биле прегледани податоци за 765 илјади испитаници и било заклучено дека повеќето луѓе имаат абнормални шеми на спиење во текот на топлите летни месеци, кога е можеби потешко да се одржуваат просториите за спиење на оптимална температура. Ова може да влијае врз способноста на телото да се лади навечер.

Температурата во собата во која спие бебе

Опкружувањето во кое спие бебе не мора драстично да се разликува. Термостатот може да се намести на температура повисока за степен или два, така што би била меѓу 15,6 и 20 степени, а бебето да биде соодветно облечено.

Треба да се избегнува прегревање на бебето бидејќи тоа може да го зголеми ризикот од синдром на изненадна смрт (SIDS).

Има неколку причини поради кои бебињата треба да спијат во соба која е малку потопла:

-тие не можат да ја регулираат температурата толку лесно како возрасните;
-не спијат со толку прекривки за да се намали ризикот од SIDS.

Претопло или преладно

Можеме да имаме немирен сон кога собната температура е над оптималната температура за спиење. Овој немирен сон во топла просторија може да е предизвикан од намалувањето на вашиот сон на „бавен бран“ или сонот со брзи движења на очите (РЕМ). Освен топлината, проблеми со спиењето може да предизвика и влагата.

Во принцип, студот нема да влијае врз нашиот циклус на спиење, но може да ни го отежни заспивањето и да влијае врз други аспекти на нашето здравје. Ако за време на спиењето ни е преладно, нашето тело може да го промени срцевиот автономен одговор.