Школата ќе се одржи целосно виртуелно, во периодот од 31 мај до 11 јуни 2021, а учесниците ќе имаат можност да научат повеќе за дигиталните иновации, влијанието на интернет и други технологии на нашето општество и економија, како и за различните димензии на дигиталните политики и интернет-владеењето.

Школата е коорганизирана од страна на Националниот универзитет за политички студии и јавна администрација од Букурешт, Романија, Интернет-корпорацијата за доделени имиња и броеви и Дијалогот на Југоисточна Европа за управување со интернет, со поддршка од повеќе меѓународни, регионални и локални партнери.

Инаку, деканот на Правниот факултет, проф. д-р Горан Илиќ, ја истакна и континуираната заложба на Факултетот за охрабрување и поттикнување на студентите, постдипломците и докторандите во нивните амбиции за достигнување на врвовите на професијата и науката и нивното меѓународно афирмирање и етаблирање. Додека, со оглед на новите трендови во развојот на техниката и технологијата, деканот нагласи дека Правниот факултет во полн капацитет настојува да биде во чекор со предизвиците на дигиталната технологија, поради што оваа академска година на Факултетот беше конституирано и Одделение за ИКТ-подготовка на правници со цел инволвирање на студентите на Правниот факултет во работата со новите технологии поврзани со правото како научна дисциплина и правото како професија.

На ваков начин уште еднаш се потврдува определеноста на Правниот факултет и Универзитетот „Св. Климент Охридски“ кон интензивирање на меѓународната активност, меѓународната препознатливост и следењето на современите текови во развојот на дигиталната технологија, но и отворањето на професионалните перспективи за студентите од Факултетот во градењето на нивната лична и стручна компетитивност.