Производителот на автомобили „Тесла“, кој во третото тримесечје од годинава заработи 312 милиони долари благодарение на продажбата на автомобилите „модел 3“, го најави својот извоз на овие возила во Европа и во Кина.
– Пазарот за седани со средна големина во Европа е двапати поголем од оној во САД. Затоа, ние со нетрпение го очекуваме префрлањето на „моделот 3“ во Европа на почетокот од наредната година - соопштија од „Тесла“.
Првите нарачки ќе може да се направат во наредните два месеца. Потоа седанот ќе може да се најде и на кинескиот пазар, а за подолгорочни цели, предвидена е и изградба на фабрика во Шангај.
Извор: МИА