Влијателна брачна двојка од сојузната област Делхи во Северна Индија наложи затворање на спортски стадион, наводно порано од вообичаеното, за да можат да си го прошетаат своето куче.

Се работи за Санџај Кирвар – висок функционер во Владата на Делхи, и неговата сопруга Рингу Дуга – секретарка во Владата. Поради гневот на јавноста, тамошното Министерство за внатрешни работи ја префрли неа во сојузната држава Лада на крајниот север, а него во Аруначал Прадеш, на североистокот на Индија. Тие сега се оддалечени еден од друг околу 3.200 километри.

Сѐ започна кога „Индијан експрес“ објави фотографија на која Кирвар и Дуга се шетаат со кучето на атлетската патека, поради што спортистите наводно морале порано да го завршат тренингот за да не им пречат на „големците“ при прошетката.