Погледнете го планот за новиот футуристички град на Саудиска Арабија
Подготвил:
Драгана Петрушевска
Лектор:
Ивана Кузманоска
Саудискиот принц Мохамед бин Салман го објавил дизајнот на импозантен футуристички град осмислен во рамките на програмата „Визија 2030“ и проектот под назив НЕОМ. Станува збор за град наречен Лајн, што во превод значи „линија“.
Како што кажал принцот, тоа ќе биде место за оние што сонуваат за подобро утре и посочил дека овој град ќе биде пример за урбаните заедници во иднината. Градот ќе има повеќеслојна внатрешна структура и ќе користи само обновлива енергија. Надворешната фасада на зградите ќе биде како огледала.
- Идејата на вертикално поставување на сите функции на еден град им дава на луѓето можност непречено да се движат во три димензии. Тоа е концепт кој се нарекува урбанизам на нулта гравитација - изјавил Мохамед бин Салман.
Внатрешноста на градот е мешавина на урбанизам и природа. Нема патишта и автомобили, што ги намалува емисиите на јаглерод диоксид во атмосферата.
Површината на овој град ќе изнесува 34 квадратни километри, со што ќе биде и еден од најголемите градови во светот. Во него ќе може да живеат 9 милиони луѓе.
Извор:
Klix
Насловна фотографија:
NEOM