Ветеринарниот факултет – Битола ја има благорoдната мисија да едуцира стручни и научни кадри од областа на ветеринарната медицина, да понуди професионално ориентирани програми и истовремено да одржува висок квалитет на содржината на наставните програми. На оваа единица на УКЛО сите капацитети и ресурси се во насока на тоа студентите да стекнат знаења со кои ќе можат поуспешно да одговорат на предизвиците и барањата на современото сточарство во Европа и пошироко во светот од областа на ветеринарната медицина. Докторите по ветеринарна медицина денес во вкупното современо сточарство имаат сè поголемо значење од аспект на:
Следење на здравјето на животните;
Добивање здрава и квалитетна храна;
Примена на превентивни мерки во производството на здрава храна, која ќе ги следи потребите на нашето стопанство;
Постојана присутност на докторите по ветеринарна медицина на фармите
Кои се нашите перформанси:
• Акредитирана високообразовна институција;
• Имплементиран – ЕКТС;
• Библиотека;
• Развивање меѓународна соработка и ангажирање визитинг-професори од странство;
• Компјутерски центар;
• Можности за учество во меѓународни научноистражувачки проекти;
• Меѓународна размена на студенти;
• Практична работа со студенти;
•Можности за учество на студентите во меѓународни летни школи, ветеринијади и др.
Зошто е добро да студирате кај нас:
Во согласност со актуелните реформи во целокупниот воспитно-образовен систем во нашата држава, Ветеринарниот факултет во Битола пристапува кон новиот концепт на додипломски студии на идните доктори по ветеринарна медицина. Наставниот план и програма се приспособени на европскиот систем на образование (ЕКТС), на универзитетското образование од областа на ветеринарната медицина.
• Новиот концепт на студирање ѝ придава поголемо значење на практичната настава;
• Се пристапува кон воведување аспекти на истражувања и развој, како и иновирање на процесот на работа;
• Флексибилност: кредитен систем, можности за напредување во областа на ветеринарната медицина;
• Набљудување, водење и помагање на студентот;
• Припрема за перманентно усовршување,
• Партнерски однос и соработка со корисниците на услугите.
Ветеринарниот факултет во Битола е една од помладите единици во состав на Универзитетот „Св. Климент Охридски“ – Битола. Пред стартот на уписите ги потсетуваме заинтересираните да ја посетат нашата веб-страница
ТУКА и да не заборават дека во рамките на заложбата за поддршка на идните студентите се обезбедени 10 уписнини за нови бруцоши и, воедно, Ветеринарниот факултет презема активности за реализирање и на други видови поддршка и поттик на студентите.
(Комерцијална објава)