Режисерот Џејмс Камерон даде одговор зошто Роуз не ја поделила вратата која пловела во океанот, и на која таа била качена, со Џек после потонувањето на бродот.

Обожавателите на овој филм, со години се прашуваат зошто и Џек не се качил на дрвената врата што ја спасила Роуз од замрзнување во студениот океан.

Кога на режисерот Џејмс Камерон во интервју за „Венити Феир“, му било поставено прашањето: „Зошто Роуз не му направила место на Џек на вратата на која таа била качена?“, Камерон краток одговорил:

„Затоа што на 147 страница од сценариото пишува дека Џек умира. Многу едноставно“.

Камерон смета дека е смешно 20 години подоцна сè уште се дебатира за тоа дали Џек требало да преживее.
„Филмот тогаш не би имал смисла. Да преживееше, крајот на филмот не би имал никакво значење. Филмот е за смртта и разделувањето“, изјави тој.