Бил Гејтс не се преправа дека живее во рамноправно семејство. Кога станува збор за одгледувањето на неговите три деца, милијардерот признава дека неговата сопруга Мелинда направила повеќе.

-Мојата сопруга врши 80 отсто од работата - изјави Гејтс.

Гејтс поминал две години на Харвард, но никогаш не завршил.

-Првото дете ќе ми дипломира на Стенфорд во јуни, па јас сум оптимист дека нема да тргне по моите стапки - се пошегува Гејтс.

Милијардерот рече дека тој и неговата сопруга биле прилично одмерени во однос на моделот што го користеле за да ги изгледаат своите три деца, кои сега се 15, 18 и 22-годишна возраст.

Тој додаде дека тие го следеле моделот на родителство од 1970-ите наречен „Љубов и логика“. Тоа е формула создадена од тројца мажи - мешавина од психолози, психијатри и поранешни директори на училишта. Основна идеја за нивната филозофија е идејата дека применувањето емоционална контрола, во суштина минимизирање на емоционалните реакции како извикнување или прекорување на децата, е добра формула за родителство.



Гејтс признава дека тој и неговата сопруга не биле совршени во спроведувањето на пристапот.

-Можете ли да се ослободите од емоциите? Не можете целосно да го сторите тоа - рече тој.

Моделот, исто така, ја нагласува важноста да нема наградување за децата, туку демонстрирање безусловна љубов и восхитување за она што се, а не она што го постигнуваат. Овој модел е сличен на методот на Сократ со тоа што ги поттикнува родителите да се фокусираат на поставување прашања на нивните деца и да ги натераат да размислуваат како да ги решат своите проблеми, наместо да ги хранат одговорите.

Гејтс вели дека методот „Љубов и логика“ е далеку од начинот на кој израснал, но знаел дека сакал нештата да се одвиваат поинаку со неговите деца.