Со оглед на тоа дека киносалите ширум светот се затворени поради пандемијата на коронавируост, меѓународните филмски фестивали решија да се спојат виртуелно. Имено, денеска започнува 10-дневниот филмски фестивал „We Are One“, кој е коорганизиран од повеќе од 20 филмски фестивали од целиот свет.
Фестивалот може да се следи на „Јутјуб“, каде постојано ќе се емитува програма до 7 јуни.
Програмата се состои од повеќе од 100 филма, вклучително и 13 светски премиери и 31 онлајн-премиера.
Сите филмови се бесплатни за гледање, но ќе можете да ги гледате само еднаш бидејќи нема да останат на интернет по емитувањето.
Освен филмови, на каналот ќе се емитуваат и панел-дискусии снимени на претходни фестивали.
Уживајте!