Некогаш дворците на аристократските семејства се пренесувале од генерација на генерација, но модерните сопственици многу полесно се ослободуваат од своите имоти.

- Времето за сопствеништво на дворци се спушти на осум години во просек - вели Оливија де Лоргерил, лидер на здружението на сопственици.

Она што би можело да ги обесхрабри потенцијалните купувачи се високите трошоци за одржување на дворците, од нивните камени подруми до бајковитите кули.

Веројатно нема да биде проблем да се пронајдат купувачи за скапите дворци околу Париз, но тоа би можело да биде проблем за изолираните рурални замоци.