Арнолд Шварценегер и Грета Тунберг имаат барем една заедничка работа – и двајцата говорат и се борат против климатските промени. Но, обајцата поради добија негативни реакции од американскиот претседател Доналд Трамп.

Шварценегер призна дека бил импресиониран кога го запознал девојчето во Австрија годинава и му ветил дека ќе направи сѐ што може за да му помогне, па дури и му го понудил својот електричен автомобил „хамер“ при посетата на САД.

Меѓутоа, понудата на глумецот била малку неизводлива, како што рече неговиот гласноговорник, со оглед на тоа дека ќе требаше „хамерот“ да се пренесе преку целата земја. Затоа, наместо тоа, Шварценегер на Грета ѝ обезбедил „тесла модел 3“ за таа да се вози низ САД на еколошки прифатлив начин.