Се ближи крајот на големиот хит на „Нетфликс“, „Куќа од хартија“, но креаторите на серијата вчера објавија добри вести за обожавателите. На официјалниот твитер-профил на серијата објавија дека во 2023 година гледачите ќе гледаат серија за еден од најпопуларните ликови - Берлин.
Покрај објавата на социјалните мрежи, на вчерашниот настан во Мадрид веста ја соопшти и Педро Алонсо, кој е во серијата „Берлин“. Оваа серија е спиноф што само ќе ја следи приказната за Берлин.
- Ова е момент за паметење бидејќи претставува крај на еден циклус и почеток на друг - рече Алонсо.
На вчерашното дружење со навивачите во Паласио Висталегре во Мадрид, Алонсо додаде дека серијата е патување во непознатото, но и дека се отворени за сите можности и не поставиле никакви очекувања.
Оваа вест може да развесели многумина што не беа среќни што Берлин беше убиен во втората сезона.
Покрај вестите за овој спиноф, на социјалните мрежи и светските портали се пишува и корејската верзија на „Куќа од хартија“, во која актерката Парк Хе-су ја толкува улогата на Берлин, а оваа верзија ќе биде достапна на „Нетфликс“ во 2022 година.
Фото: Screenshot/YouTube