Ви пренесуваме избор од најубавите фотографии направени во вселената во текот на изминатава недела, објавени од најголемите вселенски агенции во светот.


На оваа фотографија направена од тимот на Меѓународната вселенска станица гледаме траги од ѕвездите што минуваат на небото над Земјата. Станува збор за фотографија составена од над 400 други фотографии снимени во 11-минутен период од Кристина Коч, астронаут на НАСА.


Вселенското летало „Бепи Коломбо“ во текот на првата година во вселената успеало да направи 500 слики со помош на три камери во различни насоки. 200 од тие 500 слики се селфиња слични на ова. „Бепи Коломбо“ е првата европска мисија на Меркур.


Кинескиот ровер „Јуту 2“ ја направил оваа фотографија од материјали од стакло на работ на мал кратер. Фотографијата прикажува материјал што до денес не сме го сретнале на површината на нашиот природен сателит.


Роверот „Кјуриосити“ на НАСА, кој на Марс престојува веќе седум години, направи ново селфи. На сликата се гледа панорама што всушност е комбинација од 57 слики направени со помош на камера „Марс Ханд Ленс Имаџер“ на крајот од роботската рака. Оваа импресивна фотографија е направена на 11 октомври за време на истражувањето на подрачјето „Глен Ативе“ во кратерот Гејл, каде што роверот неодамна направил две дупки видливи на левата страна од сликата.


На оваа слика гледаме човек кој стои пред Млечниот Пат и светлиот Јупитер за време на работилница по астрофотографија во Кампинхоу, Португалија.