Француски научници докажаа дека на некои места не е возможно да виреат какви било организми.

Стручните лица нагласуваат дека имајќи предвид дека водата е основниот услов за појава и одржување на некаква форма на живот, на некои места на Земјата нема услови за живот. Конкретно, трудот објавен во „Нејчр еколоџи анд еволушн“ (Nature Ecology & Evolution) ја посочува долината Далол во Етиопија.

Истражувањето посочува дека водата во езерата во оваа вулканска долина е премногу солена и заситена со магнезиум, а нејзината температура достига и 108 Целзиусови степени. Според научниците, не постои жива клетка што може да опстане во такви услови.