Дали го земате телефонот в рака кога го чекате лифтот? Децата и возрасните не можат да се соочат со ниту еден момент на досада, и тоа е голем проблем, вели еден образовен експерт.

Никој не сака да му биде здодевно, иако моментите без одвлекување на вниманието би можеле да ни помогнат да ги решиме проблемите и можат да ја подобрат нашата креативност. Неодамна финските училишта се најдоа на мета на критики од професорите. Имено, тие премногу ги стимулираат децата со технологија наместо да им помогнат да станат обзирни за тоа.

Оваа генерација луѓе се алергични на досадата, а децата не можат да ги апсорбираат информациите освен ако не се спакувани на стимулирачки начин, смета Хакала. Тој прашува како овие деца подоцна ќе управуваат со секојдневни задачи во животот, како што се анализирање на процесите или работа со бирократијата - смета дека професионалците ќе ја изгубат концентрацијата и ќе немаат способност попосветено да работат.

Тој ги критикува неодамнешните напори за вметнување таблети и компјутери во градинките и во основните училишта, посочувајќи дека децата се повеќе од доволно изложени на овие уреди во домот.

Во својата најнова книга Хакала забележува дека младите луѓе на Запад денес трошат 40 отсто од своето време пред екран.

- Мобилните уреди станаа лек за здодевноста - обезбедија низа емотивни искуства - објаснува тој додавајќи дека и тој се нашол во ситуација да го земе телефонот и да провери е-пошта додека чекал во редица во супермаркет.

Нашиот мозок не се исклучува кога ни е досадно, туку ни дава време да ги обработиме сопствените работи и да ги испитаме работите во нашиот секојдневен живот од различни агли. Хакала тврди дека искусувањето на досадата е прозорец до вистинското јас и прашува зошто училишниот систем не им помага на младите луѓе да се справат со досадата, наместо да се обидува да ги стимулира колку што е можно повеќе.