„Вацап“ најави дека во наредните недели ќе воведе нови филтри за видеоповици и нови заднини за сите корисници. Од компанијата велат дека новите ефекти ќе ви дадат можност да додадете личен печат на вашите разговори.
Иако оваа вест е официјална, не е првпат да слушаме за вакви функции во видеоповиците на „Вацап“. Уште во јуни се појави вест дека „Вацап“ е забележан како тестира филтри и АР ефекти за видеоповици. На крајот од август се појавија вести дека филтрите се тестираат на „иОС“ за оние што користат „Вацап бета“.
Од „Вацап“ велат дека ќе има десет филтри и десет заднини. Апликацијата им дава на корисниците опции за допир и слаба осветленост. Овие карактеристики ќе ги подобрат изгледот и осветленоста на вашата околина.
„Вацап“ објави дека овие две функции ќе ги направат вашите повици поживи и попријатни. За да пристапите до сите нови функции „еден-на-еден“ или во групни видеоповици, треба да ги изберете иконите за ефекти во горниот десен агол на екранот. Таму ќе видите избор на филтри и заднини и ќе го изберете она што одговара на вашето расположение. Ако сè уште не ги гледате новите промени во вашите видеоповици на „Вацап“, бидете трпеливи.
Извор: geek.hr
Фото: Freepik