„Амазон“  толку брзо се разви, имплементирајќи многу нови производи, процеси и бизнис-модел иновации, што нејзините правила се стандард со кој секоја компанија сака да се спореди.

„Амазон“ е новиот модел што оди напред.

Ова се практиките што придонесоа за неверојатниот успех на оваа компанија.

1. „Амазон“ ги извлекува иновациите од врвот

Анкетите покажуваат дека 79 отсто од високите лидери ја сметаат иновацијата како еден од првите три приоритети. Сепак, она што често го привлекува вниманието на високиот менаџмент е „моторот за испорака“, а не „моторот за откривање“. Но, не и во „Амазон“.

Основачот и извршен директор Џеф Безос сфатил како да го пополни неговиот календар на иновации. Тој на своите доверливи луѓе им ја диригира имплементацијата на идеи. Безос поголем дел од времето го поминува испитувајќи како светот ќе изгледа по 3, 5 и 10 години  Тој е фокусиран на резултатот за третиот квартал по две години. Тој ја гледа својата работа како идентификување и усовршување на иновативниот патоказ што ќе ја пренесе компанијата од местото каде што е денес до местото каде што сака да биде во иднина, навреме и по распоред.

2. „Амазон“ ги гледа идеите како средства

Повеќето компании мислат дека нивните средства се работи, како нивните растенија, опрема и другите луѓе. „Амазон“ ја става вредноста на средствата на идеите. Безос е главен кога станува збор за идеите. Неговиот жар за неконвенционални концепти, овозможување технологии и подобри начини на работа, е заразен.

- За еден час можам да ја испишам таблата со 100 идеи - вели Безос.

Тој верува дека континуираниот прилив на идеи е она што го поттикнува растот. Својата функција ја гледа како креирање на културно усогласување за вреднување и почитување на идеите на сите нивоа и да дејствува итно за да ја забрза нивната имплементација. Безос ја гледа својата улога како канализирање на овој начин на размислување за секој поединец, оддел, деловна единица и позиција.

Како тренер кој го учи својот тим за основите, Безос ги потсетува своите работници за едноставните начела што ја прават компанијата одлична.

3. Движење, постојано експериментирање и брз неуспех

Со нула искуство во хардвер, „Амазон“ храбро влезе во индустријата на електронски уреди со својот е-читач „Киндл“ во 2007 година. Сите ја советувале компанијата против тоа. Се појавиле многубројни пречки. Но, „Киндл“ се покажал како уред што ја променил играта на ова поле. Од овој успешен уред, компанијата сфатила дека може да научи нови вештини ако е подготвена да ги нападне претпоставките. „Амазон“ стана пионер на паметните звучници со „Ехо“, а нејзиниот уред Алекса има 30.000 вештини, повеќето од различни девелопери, кои постојано градат апликации.

„Амазон“ ги вреднува експериментите. Многу. Нејзината веб-страница е џиновски Петриев сад, експериментирајќи со цените, испитувањата за приспособувањата, алгоритмите за препорака и многу повеќе. „Амазон“ го користи својот роден град како тест-пазар за да се здобие со сознанија и повратни информации од потрошувачите, пред да се прошират или поништат идеите што не се успешни.

За да ги набљудувате прототиповите и новите физички концепти, Сиетл е место за посета.

Ќе сакате да ја посетите „Амазон Го“, автоматизираната продавница на компанијата, која е пионер во користењето вештачка интелигенција и видеокамери за револуционизирање на малопродажбата.

Подготвеноста на „Амазон“ да се движи, тестира и да не успее ја трансформира компанијата не само во онлајн-малопродажба, туку и во филмско студио, хардверска компанија или провајдер за веб-услуги, но и во фабрика на идеи.

Додека „Гугл“ и други компании трошат милијарди за истражување на вештачката интелигенција и машинското учење, „Амазон“ е заинтересиран за монетизација на вештачката интелигенција и нејзината примена во секој аспект на организацијата.

4. „Амазон“ практикува иновации управувани од податоци и клиенти

„Амазон“ не е само пионер во нови уреди и бизнис-модели, туку е и пионер во нови пристапи кон самата практика на иновација.

Стив Џобс не користел фокус групи или анкети за да ги открие потребите на потрошувачите или да му кажат дека е на вистинскиот пат. Наместо тоа, тој ја користел интуицијата, па во една пригода рекол: - Не е работа на нашите клиенти да ни кажуваат што следно сакаат - тоа е наша работа.

„Амазон“ има поинаков пристап. Тој работи според верувањето дека можете да ги слушнете клиентите преку податоците. Верува дека ако симулирате и градите модели и ги следите податоците, можете да им дозволите на клиентите да ве водат до неверојатни понуди.

- Им дозволуваме на клиентите да нѐ водат. Се обидуваме да создадеме нешто што тие би го сакале - вели Џеф Вилке, шеф за малопродажба во „Амазон“.

5. „Амазон“ промовира култура со јасна мисла што презема ризик

Во „Амазон“ вработените веруваат дека со креативната напнатост, а не со лесната хармоничност, се поттикнува најдобро размислување. Во многу компании идните иноватори мора да соберат десетици одговори „да“ пред да почнат да реализираат идеја. Едно „не“ може да ги попречи во реализирањето на идејата. Во „Амазон“ ниту еден менаџер нема право да убие идеја. Компанијата е структурирана така што стотици менаџери можат да реализираат идеја, барем до наредната фаза на развој.

Во „Амазон“ високо потенцијалната идеја мора да одговара на три критериуми: мора да биде оригинална, мора да биде скалабилна и мора да има потенцијал да создаде значителен поврат на капиталот.

Компанијата постојано експериментира со нови методи на размислување.

Така, на пример, состаноците во „Амазон“ почнуваат во тишина. Поточно, почнуваат така што сите ги читаат белешките напишани на шест страници, како приказна, на темата поради која се состанале.

- За новите вработени, тоа е чудно почетно искуство - вели основачот на компанијата, Џеф Безос, бидејќи не се навикнати да седат во тишина со група раководители.

Како што истакнува, со читање на почетокот на состанокот сите започнуваат со исти информации, а резултатот е тоа што луѓето во компанијата се навикнуваат на донесување одлуки со пишување приказни.

Тој објаснува дека сложените реченици се потешки за пишување бидејќи имаат глаголи, додека пасусите имаат теми. Како што вели, не постои начин да се напише приказна на шест страници доколку не се размислува јасно.

- Наративната структура на добриот меморандум придонесува за подобро размислување, подобро сфаќање на најважните ставки, но и на начинот на кој се поврзани работите - вели Безос.