Колку повеќе другари со различно етничко потекло имаат децата, толку е помала перцепцијата за социјална дистанца помеѓу нив, покажува проектот Helping Kids!. На пример, една наставничка во основно училиште (Македонка) каде што наставата се одвива на македонски и на албански јазик ни вели дека целно ја запишала својата ќерка во ова училиште иако реонски требаше да биде дел од друго, со намера за поголема изложеност на контакт со „другите“. Еден татко (Албанец) чија ќерка оди во училиште каде што наставата се одвива на македонски и на албански јазик вели: „Јас сум многу среќен што мојата ќерка ми кажува дека има многу пријатели што се Македонци. Ова е многу позитивна вест за мене и овие пријателства ги воспостави во школо“