Индонезија воведе забрана за користење на социјалните мрежи за околу 70 милиони деца помлади од 16 години.

„Јутјуб“, „Тик-ток“, „Фејсбук“, „Инстаграм“, „Тредс“, „Икс“, „Бигo лајв“ и „Роблокс“ ќе мора да ги деактивираат сметките на малолетниците или да ги приспособат старосните ограничувања.

Министерот за комуникации на Индонезија, Меутја Хафид, предупреди дека не постои простор за компромис и дека прекршувањето на прописите ќе се казнува парично или со суспензија на профилите.

„Тик-ток“ веќе ги приспособи своите профили, додека другите платформи мора да се усогласат со законот.

Одлуката на Индонезија ги следи другите земји што ги заоструваат мерките за заштита на децата на социјалните мрежи, вклучувајќи ги Австралија, САД, Обединетото Кралство и Франција, поради загриженост за менталното здравје и изложеноста на штетна содржина.

Извор: 021.rs
Фото: Freepik