Ново истражување кое проучувало стотици кучиња што живеат низ урнатините на нуклеарната централа во Чернобил открило дека изложеноста на радијација можеби создала генетски различни кучиња од кучињата што живеат на други места во светот.

По нуклеарната катастрофа во Чернобил, на 26 април 1986 година, околу 120.000 луѓе што живееле во околината и блискиот град Припјат биле принудени да се евакуираат и да ги напуштат своите домови. Ова вклучувало многу кучиња миленичиња кои, наспроти сите шанси, успеале да создадат цврста популација која сè уште живее во озрачената област што ја опкружува електраната.

Во ново истражување, научници се обиделе да добијат подлабоко разбирање за необичните популации на кучиња што живеат околу Чернобил, во сурова контаминација на животната средина на која се изложени на дневна основа.

Со помош на примероци од крв собрани од бездомните животни помеѓу 2017 и 2019 година, тие генетски анализирале 302 кучиња од популациите што живеат во самата електрана, како и оние на 15 до 45 километри од местото на нуклеарната катастрофа.

Од ДНК-анализата на кучињата беше јасно дека тие се генетски различни од домашните миленици што живеат на друго место во светот, што истражувачите веруваат дека е одраз на јонизирачкото зрачење на кое биле изложени со генерации.

Новото истражување покажало дека оваа популација содржи 15 сложени семејни структури кои биле уникатни во споредба со другите кучиња.

- Мислам дека највпечатливото размислување за истражувањето е тоа што идентификуваме популации на кучиња кои живеат во реакторот и во близина, и можеме да кажеме кои се тие кучиња само ако го погледнеме нивниот профил на ДНК - вели Елејн Острандер, автор на истражувањето и генетичар во Националниот институт за истражување на човечкиот геном.

- Исто така, откривме дека кучињата што сега живеат во „забранетата зона“ најверојатно се потомци на домашни миленици од луѓе кои избегале од областа кога се случила експлозијата. Можеме да ја видиме историјата на тие миленичиња врежана во ДНК на кучињата што живеат во забранетата зона денес - објаснува Острандер.

Според најновите податоци, до 800 полудиви кучиња живеат околу Чернобил, вклучувајќи ги и високо контаминираните области.

Кучињата се категоризираат како полудиви бидејќи имаат одредени средби со луѓе. Познато е дека работниците и истражувачите во областа ги хранат животните, додека ветеринарите повремено ја посетуваат областа за вакцинирање и лекување какви било медицински проблеми што животните ги имаат.

- Би сакале да најдеме варијанти што ДНК ги стекнала во текот на 15. генерации по несреќата кои овозможуваат преживување на висока изложеност на радијација наспроти околината со ниска изложеност на радијација - објаснува Острандер.

Истражувањето е во рана фаза, но истражувачите биле задоволни што покажале како супердеталната генетска анализа може да се спроведе дури и на бездомни кучиња.