Денес е Светски ден на здравјето. Се одбележува од 1948 година како ден посветен на подигнување на свеста за здравјето на луѓето низ светот.
Колку е битно здравјето, не ни треба ни најмало потсетување по повеќе од една година пандемија и многу изгубени животи околу нас. Но на свеста повеќе од очигледно е дека мора многу да поработиме - и како поединци и како општество.

Со право посакуваме и бараме здравје за сите, а за него ни треба и:

Почитување на мерките за заштита. Маските не се пријатни, ама може да спасат животи.
Задоволни медицински работници кои ќе имаат достоинствени услови за работа.
Организиран систем што ќе нè заштити.
Достапни услуги во јавно здравство.
Здравство без врски.
Достоинствен однос кон пациентите и висока здравствена култура.
Пониски цени.
Помали редици во чекалниците.
Вакцини...

За добро здравје!