Лиценцираниот финансиски советник Фреди Фајнанс објави видео на социјалната мрежа „Тик-ток“ и објасни кои три земји нудат пари за да се преселите и да живеете таму.

Фреди предава во областа на финансиската писменост и им помага на луѓето да создадат приходи. Неговиот профил на „Тик-ток“ е полн со интересни содржини, а едно негово видео објаснува колку нудат Швајцарија, Италија и Грција за да се преселите таму.

Така, тој прво започна со швајцарската општина Албинен, каде што ќе ви понудат 25.000 долари само за да се преселите таму и 10.000 долари од дете. Единствен услов е да сте помлади од 45 години и да го задржите живеалиштето најмалку 10 години.

Втора е Сицилија во Италија, најголемиот остров во Средоземното Море, па можете да добиете шанса да живеете таму со купување недвижен имот кој локалното население го нуди за 1 долар. Сепак, тој имот треба да го реновирате во износ од 17.800 долари, а пред тоа да платите депозит од 5.900 долари.

Последниот е островот Антикитера во Грција кој дава парче земја и 590 долари месечно во наредните три години.

@freddiefinance 3 countries that will PAY you to move there! #personalfinance #learnontiktok #moneytok IB: @Hoskin Capital ♬ Paris - 斌杨Remix

Извор: b92.net
Фото: Wikipedia