Во далечната 1995 година авторите на емисијата „Светот на утрешнината“ на Би-би-си предвидуваа како ќе изгледа светот во 2025 година, наведувајќи многу технолошки и социјални промени.

Тие им дадоа предност на научниците и експертите, меѓу кои беше и познатиот професор Стивен Хокинг, кој предвиде големи промени до 2025 година.

Емисијата го замислува светот во кој ќе бидеме преплавени со иновации, од холограски хируршки процедури до револуционерни решенија за вселенски отпад.

Едно од предвидувањата беше дека ќе има бунт во сајбер-просторот во 2005 година, откако финансиските пазари ќе пропаднат под влијание на тероризмот.

Во фокусот на емисијата се и вселенското рударство и проблемот со вселенскиот отпад. Емисијата предвидува дека ископувањето на астероидите ќе стане профитабилна индустрија, а вселенскиот отпад ќе стане опасност за астронаутите. Емисијата претставува решение: џиновски гелови од пена кои ќе го забават отпадот. Денес немаме таков гел, но проблемот со вселенскиот отпад е доста актуелен. Иако рударската индустрија во вселената сè уште не постои, многу експерти веруваат дека таа наскоро би можела да стане реалност.

Во областа на медицината, емисијата предвидува роботи да оперираат пациенти, а хирурзите да управуваат со операциите од далечина. Иако холограмите не се користат за операција денес, роботите и напредната технологија играат значајна улога во операциите.

Беа замислени и брзи и ултрамодерни патувања, каде што патниците можеа да стигнат до далечни дестинации за само 40 минути. Иако сè уште го немаме тоа супербрзо патување, холограми, паметни звучници и шлемови за виртуелна реалност станаа составен дел од секојдневниот живот.

Во областа на банкарството, емисијата предвидува микрочипови во рацете кои ќе овозможат подигнување пари. Денес, скенирањето на отпечатоци и лице е многу почеста практика, додека микрочиповите во телото стануваат реалност, но во помала мера.

Водителката Вивиен Пери, која работела на предвидувања во областа на медицината, истакнува дека некои од предвидувањата за геномското секвенционирање веќе станале реалност, со голем напредок во дијагнозата и третманот на генетските болести.



Што нè чека во иднина?

Футуристите како Трејси Фалоус веруваат дека до 2055 година технологијата ќе им овозможи на луѓето „когнитивна поврзаност“, каде што идеите ќе се споделуваат преку директни врски од мозок до сервер. Том Чишвејт верува дека биоинженерството и науката за напредни материјали ќе донесат најголеми промени, решавајќи ги проблемите како што се декарбонизацијата, чистата вода и храната.

Како ќе изгледа светот за 30 години? Професорот Хокинг го сумираше со овие зборови:

- Некои од овие промени се возбудливи, а некои се доста вознемирувачки. Едно е сигурно – ќе биде поинаку отколку што очекуваме.

Извор: Cdm.me
Фото: Screenshot/YouTube