По силниот земјотрес што ги погоди Турција и Сирија, од сите страни се испраќа помош. Првата земја што побрза да ѝ помогне на Турција беше Азербејџан, а покрај спасувачките тимови, Азербејџанците исто така почнаа акција за помош.
Сепак, една фотографија привлече големо внимание, а станува збор за стар автомобил полн со разни работи подготвени за помош на погодените од земјотресот во Турција. Оваа фотографија стана симбол на заедништвото и солидарноста.
Сервер Беширли го наполнил стариот автомобил со некои работи од трошната куќа во Баку и тргнал за Турција. Му помогнал братот Имамверди.
- И ние доживеавме ваква катастрофа. И ние го доживеавме тој период, го знаеме тоа чувство. Не помогнавме само ние, туку и други Азербејџанци, дури и некои што живеат во други земји помагаат. Бев сведок на една ситуација кога дојде девојка, го соблече капутот и го даде за хуманитарни цели. Секако, помошта не е ни голема ни мала. Велат дека во следните денови ќе испратат помош во вид на храна во братската земја - истакна тој.
Фотографијата предизвика воодушевување, особено откако се дозна во какви услови живее Сервер. Многумина коментираат дека секогаш најсолидарни се оние што најмалку имаат.
Извор:
Klix
Фото: Twitter