Ако често останувате до доцна да гледате филмови и серии, или можеби да истражувате на интернет можеби не треба да жалате за изгубеното време во утринските часови.


Се проценува дека еден во 75 луѓе страда од нарушување по име одложена фаза на спиење или неспособност да се заспие рано. Според најново истражување од Рокефелер Универзитетот во Њујорк тенденцијата да се останува до доцна навечер или генетската варијанта „ноќна птица“ е идентификувана.

Таа може да биде и генетска мутација.

„Генот за спиење“ или CRY1 кој ги контролира нашите циркадијални часовници бил различен кај „ноќните птици“. Во текот на студијата учесниците биле ставени во „стан за истражување“ во период од две недели без било какви индикации на време и биле набљудување.

Додека повеќето одржувале редовен циклус на спиење и јадење, еден учесник останал подоцна од сите. Според Мајкал Јанг, автор и шеф на лабораторијата за генетика на универзитетот нивото на мелатонин почнало да расте околу 9 или 10 часот навечер кај повеќето луѓе.

Кај пациентот кој останал до доцна, тоа не се случило до 2 или 3 наутро. Тимот пронашол мутација на CRY1 генот кој бил присутен и кај сите во семејството. Мутацијата е доминантна, што значи дека само една копија од него може да предизвика нарушување во спиењето.