Макета од „Македонска пошта“ во центарот на Скопје, едно од ремек-делата на нашиот архитект Јанко Константинов, е изложена во Музејот на модерната уметност во Њујорк (МОМА). Неговото дело е селектирано во големата изложба „Кон бетонската Утопија: Архитектурата во Југославија 1948-1980“, која од 15 јули до 13 јануари ќе биде отворена во престижниот музеј за светската јавност.
Изложбата вклучува повеќе од 400 цртежи, модели, фотографии и филмски снимки од повеќе различни архиви, семејни приватни колекции и музеи низ регионот, меѓу кои и дизајнот на Кензо Танге инкорпориран во постземјотресно Скопје.