Објавени документи од полицијата во Њујорк откриваат дека полицајците се специјално тренирани како да бидат смешни на социјалните мрежи.
Документите откриваат интерна стратегија за „градење и одржување на доверба меѓу полицијата и заедниците на кои таа им служи“. Очигледно, тајната е во споделување на мешавина од фотографии од полииски кучиња и шеги за необични апсења.
Во документите, кои се во форма на слајдови презентирани во 2017 година, има детални инструкции за тоа како најдобро да се направат шеги за секојдневната работа на полицајците, како да ѝ се презентира работата на полицијата на јавноста, како и кои теми треба да се избегнат.
За одредени американски медиуми, овој обид за создавање на позитивна врска меѓу полицијата и заедницата е контрастен со извештајот на њујоршкиот Истражен оддел, кој пишува за 2.495 случаи на тенденциозно одржување ред, а ниеден од нив не е истражен од њујоршката
полиција.