Властите во Етиопија ги забранија рекламите за алкохолни пијалаци за да промовираат здрав начин на живот.

Министерот за здравство на оваа земја, Амир Аман, истакна дека забраната е воведена во согласност со кампањата за здрав живот започната во источноафриканските земји.

Тој објасни дека рекламите се забранети за сите медиумски куќи, а додаде и дека таквите реклами нема да бидат дозволени ни на банери, постери, спонзорска опрема и слично.

Во февруари властите во Етиопија забранија пушење во близина на јавни институции, медицински установи и забавни центри. Забранета е и продажбата на алкохолни пијалаци на помлади од 21 година.