Советувањата за родителите чии деца не се сјајни со дисциплината и успехот на училиште даваат резултат, велат наставници и директори на училишта. Тие велат дека т.н. родителски школи, кои пред неколку години беа воведени и во основното и во средното образование, успеваат да го оправдаат своето постоење. Сепак, искусните велат дека е време за унапредување на програмите за советување. Родителите на учениците со 10 неоправдани, 100 оправдани изостаноци или, пак, три единици во дневникот, задолжително се повикуваат на разговори со стручните служби во училиштето во родителска школа.