Истражувачи од Универзитетот во Тел Авив утврдиле дека пареата во атмосферата има потенцијал да стане изводлив извор на обновлива енергија.

Засега, волтажата генерирана во нивните експерименти е екстремно ниска. Но, ако се зголеми, тие велат дека феноменот би можел да се користи за полнење батерии.

- Ако АА батерија е 1,5 V, може да има практична примена во иднина: за развивање батерии што може да се полнат од пареата во воздухот - истакнува Колин Прајс, истражувач од Универзитетот во Тел Авив и коавтор на труд за истражувањето објавен минатиот месец во „Нејчр“.

Основниот природен феномен зад откритието е зашто во природата има громови.

- Електрицитетот во грмежите се генерира само со вода во нејзините различни фази - водена пареа, водени капки и мраз. 20 минути развој на облак е како стигнуваме од водени капки до огромни електрични празнења - громови - некои долги околу половина милја - истакнува Прајс.

Научни откритија утврдиле дека водените капки во воздухот може да напојуваат метални површини. Во нивното истражување, научниците од Тел Авив се посветиле на тој феномен и утврдиле дека волтажата се развивала само кога релативната влажност во воздухот се зголемувала над 60 отсто - атмосферски услови кои се екстремно чести во светот.

Тие утврдиле дека материјалите како цинк и не'рѓосувачки челик добивале полнење од околу еден волт.

- Водата е многу специјална молекула. За време на молекуларните колизии може да префрли електрично празнење од една молекула на друга. Преку триење, може да се создаде вид статички електрицитет - објаснува Прајс.

Напојувањето собрано од влажноста на воздухот на крајот може да се користи како извор на зелена енергија, смета тој.