Пандемијата на коронавирусот ја смени листата со најфреквентни аеродроми во светот. Аеродромот кој сега е на врвот изненадува. Станува збор за „Далас-Форт Ворт“ во Тексас, САД. На овој аеродром имало најмногу слетувања и полетувања во светот, иако нивниот број е значително помал во споредба со порано.

На аеродромот имало 12.000 летови во мај, што е помалку од половина од бројот на летови во февруари годинава. Сепак, тоа е повеќе од сите аеродроми во САД и од земјите низ светот во кои има ограничувања на патувањата поради коронавирусот.


„Американ ерлајнс“, една од најголемите авионски компании во светот, управувала поголем дел од летовите на овој аеродром. Во последните месеци имало послаба побарувачка, а некои линии биле откажани и патниците морале да ги пренасочат своите патувања преку големи центри, како аеродромот во Тексас.

Најфреквентните аеродроми во светот може да се пресметуваат на различни начини, според бројот на патници и број на летови. Најчесто на овие листи се наоѓаат аеродромите во Атланта, Пекинг, Дубаи, Токио, Чикаго и Лондон.

Автор: Лорен Кит
Извор: lonelyplanet.com