Тешко е да се успее во Холивуд, а уште потешко да добиете ѕвезда на познатиот Булевар на славните. Откриени се детали за процесот за аплицирање и се пообемни отколку што мислите.
Да се биде голема суперѕвезда во музичкиот или филмскиот бизнис помага, но тоа не е доволно за да добиете ѕвезда. Холивудската патека на славните се протега на нешто повеќе од 3,5 километри, а секоја година Стопанската комора на Холивуд избира околу 24 познати личности да добијат своја ѕвезда. Еве што е потребно:
Прво, треба да бидете номинирани од некого, а таа препорака веројатно ќе има поголема тежина ако доаѓа од некој влијателен. Теоретски, речиси секој може да аплицира за ѕвезда, но очекувањата се дека сте создале уметничко дело кое на некој начин е култно. Кандидатите мора да бидат познати најмалку пет години, како и да имаат „несомнена“ експертиза во областа на телевизијата, филмот, радиото, театарот или музичката индустрија.
Пријавувањето доаѓа со такса од 30.000 долари за спонзори по прифаќањето. Половина од тие пари одат за правење на ѕвездата, додека другата половина оди во фондација со која се финансираат сите активности. Се очекува успешните кандидати да присуствуваат на откривањето на нивната ѕвезда, но во минатото имало исклучоци, како Барбара Стрејсенд која изјавила дека ѝ е непријатно во голем метеж.
Откако комисијата за избор на Булеварот на славните ќе го направи својот избор, управниот одбор на Комората на Холивуд исто така гласа за одобрување на ѕвездата, а потоа имињата се доставуваат до Одборот за јавни работи на градот Лос Анџелес за конечно одобрување.
Извор:
Idesh
Насловна фотографија: Pixabay