Шведска се соочува со недостиг на работна сила во речиси 40 професии, покажа извештајот на ЕУРЕС за недостиг и вишок од 2023 година.

Меѓу најпогодените сектори се здравството, образованието, безбедноста, машински поправки и одржување на машините.

Иако недостигот на работна сила ја предизвикува економијата на земјата, ова е одлична можност за странците кои би сакале да се преселат и да работат во Шведска.

Според неодамнешниот извештај на Европската управа за труд, ова се професиите што имаат недостиг на работници:

Возачи на автобуси и трамвај
Месари, трговци со риба и слична храна
Механичари и сервисери на моторни возила
Чувари
Негуватели во приватни домови
Полициски инспектори и детективи
Медицински секретари
Медицински и патолошки лабораториски техничари
Оператори на пречистителни станици
Машински техничари
Психолози
Системски аналитичари
Наставници за ученици со посебни потреби
Воспитувачи за рано детство
Наставници во основни училишта
Здравствени работници
Професионалци за заштита на животната средина и професионално здравје и хигиена
Стоматолози
Акушери
Медицински сестри
Специјалистички лекари

Странците што имаат професија од најбараните работни места, може да имаат поголеми шанси да обезбедат вработување и работна виза во Шведска.

Друг показател за потребата на Шведска од странски работници е неодамнешниот пораст на бројот на издадени работни дозволи. Статистиката на Агенцијата за миграција на земјата покажува дека Шведска доделила 11.760 работни дозволи меѓу јануари и мај 2024 година, што бележи зголемување од 30 отсто во споредба со истите месеци во 2023 година.

Вработувањето се наметна како најчеста причина за давање дозвола за престој во првите пет месеци од 2024 година.

Најголем број работни дозволи беа доделени за работи за кои е потребно универзитетско образование.

Значајна бројка на работни дозволи беа доделени и за занимања поврзани со сервисирање, нега, продажба, градежништво и производство.

Дополнително, Агенцијата за миграција откри дека просечното време на чекање за висококвалификувани работници е намалено на под 30 дена.

Кому му е потребна виза за да работи во Шведска?

Граѓаните на Европската Унија, Европската економска област и Швајцарија не треба да имаат работна виза за да работат во Шведска.

Лицата од другите земји треба да аплицираат за работна виза доколку имаат намера да работат во Шведска. Меѓутоа, за да добијат работна виза за Шведска, меѓу другото, мора да имаат понуда/договор за работа, понудената плата мора да биде најмалку 1.220 евра (13.000 шведски круни) месечно и соодветниот работодавец треба да обезбеди осигурување кое покрива здравство, живот, вработување и пензија.

Извор: Schengen.news
Фото: Freepik