Оваа година илјадници луѓе се обидуваат да го избегнат празничниот хит „Last Christmas“.
Станува збор за игра наречена „Вамагедон“ (Комбинација од името на групата „Wham!“ и армагедон), која се случува во последните 18 години, откако Данецот Томас Мерц и неговите пријатели почнале да ја забележуваат песната насекаде.
И сега луѓето ја продолжуваат оваа традиција, обидувајќи се да ја избегнат песната кога и да можат.
Овој месец еден диџеј ја пушти песната за време на фудбалски натпревар во Нортхемптон Таун во Англија, мислејќи дека би било смешно и интересно. Но, наместо тоа, тој бил пречекан со напади и разочарување од учесниците.
- Не мислев дека толку сериозно ја сфаќаат играта. Официјално му се извинувам на секој што му го уништив Божиќ - изјави диџејот.
Според веб-страницата на Мерц наречена „Вамагедон“, правилата се едноставни: Обидете се да поминете што е можно подолг период без да ја слушнете оригиналната верзија на „Last Christmas“ од групата „Вам!“, во периодот од 1 до 24 декември.
Мерц вели дека неговата веб-страница имала над 500.000 посетители минатата година. И не, не постои никаква лична одмазда против песната, туку едноставно станува збор за смешен и интересен предизвик што неколку Данци одлучиле да го реализираат за да се забавуваат за време на новогодишните и божиќните празници, објаснува Мерц.
Но, се чини дека на остатокот од светот не му оди добро оваа игра со оглед на тоа што „Last Christmas“ моментално е број 1 на топ-листата во Обединетото Кралство и број 5 на листата „Хот 100“ во САД.
Фото: Screenshot/YouTube