Пандемијата на коронавирусот може да биде последната голема пандемија со која треба да се соочи човештвото - ако преземеме акција сега за да се подготвиме за следната закана од патоген. Таа порака доаѓа од Бил Гејтс, кој ги изложи своите препораки за запирање на следниот смртоносен вирус во неговата нова книга „Како да се спречи следната пандемија“, која ќе биде објавена на 3 мај.

- Не мораме да го правиме ова повторно - пишува Гејтс во објава во која ја најавува книгата. Иако можеби звучи како амбициозно тврдење, Гејтс ги истражувал овие работи долго време. Всушност, во 2015 година тој предупреди на опасностите што може да ги претставува вирусот во воздухот. Дури и во тоа време тој рече дека човештвото има средства да спречи ширење на смртоносна пандемија - ако се подготвиме за неа на ист начин како што моментално се подготвуваме за војна, со постојани армии, постојана обука и симулации кои личат на воените игри што често се одржуваат денес.

Кои се неговите препораки за спречување на следната пандемија? Еве ги трите елементи од неговиот план што тој ги опишува во краткото видео што го придружува блогот:

1. Подобрување на здравствените системи насекаде

Ни требаат подобри здравствени системи, особено во земјите во развој, вели Гејтс. Лесно е да се види како ова би помогнало. Во времето кога варијантата омикрон првпат се појави во Јужна Африка, помалку од една четвртина од нејзиното население беа целосно вакцинирани, а многу малку луѓе добија бустер-доза.


2. Изградба на глобален систем за надзор на патогени

Раното откривање е клучот за запирање на следниот смртоносен вирус да се шири и да стане пандемија, објаснува Гејтс. Кога првпат се појави вирусот ебола, немаше епидемиолози за да патуваат до погодените места и да го проучуваат патогенот. Извештаите за случаите беа одложени, неточни и на хартија, рече Гејтс тогаш.

Сега работите се подобри, но потребно е подобрување. Ако изградиме светски капацитет за надзор на патогени, без разлика во која земја се појавува, можеме да примениме ресурси и да разбереме што се случува многу брзо, вели Гејтс.

3. Продолжување со иновации во откривањето, лекувањето и превенцијата

Ни требаат континуирани иновации во три клучни области: дијагностика (т.е. тестирање), терапија и вакцини, вели Гејтс. Иновацијата може да значи дека вакцините, тестовите и третманите се развиваат - и широко се дистрибуирани - многу побрзо отколку што се случи овој пат.

- Тоа ќе овозможи катастрофалните пандемии да станат минато - вели Гејтс.

Можеби звучи како амбициозна цел, но го имаме изодено половина пат, вели тој.

- Напредокот што го постигнавме во последните две години - вклучувајќи ги огромните скокови напред што ги направивме со вакцините и знаењето што го стекнавме за респираторните заболувања - веќе нè постави на патот кон успехот - пишува Гејтс.

За разлика од 2015 година, кога Гејтс првпат предложи некои од овие мерки, светот сега знае колкава штета може да предизвика пандемијата во смисла на изгубени животи, економски превирања и нарушување на цели општества.

- Ако ги направиме вистинските избори и инвестиции, можеме да направиме ковид-19 да биде последната пандемија - додава тој.

Извор: Inc.com
Фото: Instagram