Торбен Соренсен и Хенинг Леј, вработени во австралиската фарма за свињи - „ГД Порк“, се уапсени поради кршење на правилата за биолошка безбедност. Тоа се случувало во периодот од 2009 до 2017 година, соопшти австралиската министерка за земјоделство Бриџит Меккензи.

Имено, двајцата фармери учествувале во незаконски увоз на свинска сперма, со што ја довеле политиката околу размножување на свињите во голема опасност, меѓу другото, и од болести однадвор.

Обвинетите ја признале вината. Соренсен, генералниот директор на компанијата, е осуден на три години затвор, а пак, Леј, одговорен за производниот погон, е осуден на две години.