Иако е одлично да го поминете одморот и да го искусите светот со семејството, пријателите или саканиот/та, патувањето сам може да биде сосема различно и прекрасно искуство. Авантурата која ќе ја искусите сами ви нуди промена на вашето размислување и вашиот живот. Потребни ви се повеќе причини зошто треба да патувате сами?
1. Ќе бидете похрабри
Ќе сфатите колку можете да бидете похрабри и поодлучни кога нема никој до вас. Како што ќе откривате трикови а успешно да се движите низ непозната територија, така ќе научите да си поминете одлично во друштво на луѓе кои не ги познавате.
2. Не зависите од никој
Пред да започнете да патувате сами, претходно сте морале да убедувате некој или да го чекате да се ослободи, па да најдете совршен момент за патување. Вака кога сте сами, можете да патувате кога сакате без да чекате некој да испланира и да резервира лет.
3. Ќе излезете од вашата удобна зона
Патувањето не` води кон непознати места и непознати ситуации. Кога патувате, постои чувство дека излегувате од вашата удобна зона, а кога патувате сами тоа чувство се интензивира. Патувањето сами може да ве изложи на нови искуства надвор од вашата удобна зона. Ќе се изненадите себеси од работите кои можете да ги направите сами, а претходно мислевте дека ви е потребна помош.
4. Ќе научите да бидете одлучни
Кога патувате со партнер или со група, вашата идеја може да не му се допадне на некој друг. Кога патувате сами, ќе научите да бидете одлучни; самите ќе правите одлуки од тоа каде да јадете, кога да се разбудите, што да видите и која авиокомпанија да ја користите.
5. Ќе ги наполните батериите
Патувањето сами ќе ви овозможи да се одморите и да се релаксирате. Кога патувате сами, не мора да се грижите дека некој грчи или ви го зема ќебето. Нема потреба да местите аларм.
6. Ја разгорува вашата креативност
Патувањето сами може да ја разгори вашата креативност. Поминување време сами со отворен ум може да биде токму она што ви е потребно за вашата имагинација да се зголеми. Вашиот ентузијазам и страст за живот може да стане уште поголем од вашата прекрасна авантура.
7. Ќе сретнете нови луѓе
Доколку обожавате да се запознавате со нови луѓе, еве ви шанса; сигурно ќе најдете уште некој кој патува сам. Бидејќи нема да бидете фокусирани да разговарате со некој што го знаете, сигурно ќе започнувате разговори со непознати лица. Запознавањето на луѓе од различна позадина ги отвора хоризонтите, го проширува нашиот свет и не` инспирира.
8. Ќе се откриете себеси
Заедно со откривањето на неверојатноста на светот, патувањето сами ќе ви даде доволно време за да се откриете себеси. Кога сте сами, си давате себеси време за размислување за тоа кои се вашите цели, приоритети и страсти.
9. Го зголемувате вашето сочувство
Патувањето сами, без одвлекување на вниманието ви овозможува да го гледате светот околу вас. Ќе ве натера да го реализирате сето она што го земате здраво за готово. Заедно со зголемувањето на сочувството кон другите, ќе ја зголемите и вашата свест и подобро ќе се чувствувате затоа што непознатите луѓе не знаат за вашите неуспеси.
10. Можете да правите што сакате
Кога патувате сами не мора да поминувате време правејќи нешто што не го сакате. Со оглед на тоа што сте само вие, можете да изберете да правите се` што сакате. Можете да посетувате места кои отсекогаш сте сакале да ги посетите, можете да се дружите со другите туристи или можете да одите во паб.
11. Ќе научите да уживате да бидете сами
Ќе научите дека вие самите себеси си сте одлично друштво.
12. ...сепак ќе ви недостига саканата личност
Отсуството прави срцето да сака повеќе. Поминувањето време разделени со вашата сакана личност може да ја обнови вашата врска. Кога паровите си ја овозможуваат слободата за да ги исполнат сопствените соништа и да ги негуваат интересите, тие нема да се чувствуваат задушено од врската.