Владата на Франција создаде апликација за мобилни телефони која треба за брзо време да испрати предупредување во случај на бомбашки напади, огнени престрелки или други катастрофи.

Апликацијата е развиена после терористичкиот напад во Париз, а беше објавен вчера, во пресрет на Европското првенство во фудбал кое започнува на 10 јуни и ќе се одржува во Франција.

Апликацијата, достапна на англиски и француски може да биде подесена да следи предупредување ако нападот се случи во близина на корисникот на телефонот. На уредот екранот ќе прикаже црвена позадина со зборот „ALERT“ и со краток опис што се случува и совет како да се реагира.

Апликацијата првично била наменета за вооружени и бомбашки напади, но француските власти планираат да ја усовршат за таа да може да испраќа предупредување во случај на индустриски несреќи, поплави и други вонредни ситуации.