Највпечатлива карактеристика на планетата Сатурн е неговиот низа на прстени. Ново истражување покажува дека овие величенствени дискови всушност имале бурни почетоци.


И покрај тоа што три планети во сончевиот систем се опкружени со прстени, најпрепознатлив е гигантот Сатурн. Неговите совршено концентрични кругови се состојат од четири главни групи и три бледи сегменти. Сето ова ги доведе научниците да креираат низа теории за нивните почетоци.

Според најновите студии кој ги започна тим на истражувачи предводени од Ријуки Хијо од јапонскиот унирвезитет „Кобе“, востановено е дека прстените би можеле да бидат остатоци од мнозинство небесни тела со величина на Плутон. Ова откритие укажува на тоа дека прстените се природна нуспојава од процесот на формирање планети во нашиот соларен систем, соопштуваат од Унирвезитетот.

Истражувачите претпоставуваат дека пред околу четири милијарди години голем број на објекти од Купер појасот залутале во внатрешноста на Сончевиот систем. Кога поминувале покрај Сатурн, Уран и Нептун, небесните тела се искршиле од гравитацијата на планетата.

Остатоците потоа останале заклучени во орбитата формирајќи прстени од камен и мраз. Истражувачите исто така ја симулирале долгорочната еволуција на заробените фрагменти користејќи суперкомпјутер во Националната астрономска опсерваторија  во Јапонија, се наведува во соопштението.

Со помош на овие симулации е откриено дека заробените небесни тела, со почетна големина од неколку километри , се удирала со голема брзина во неколку наврати и постепено се кршела на мали парчиња. Резултатите од оваа истражување исто така им даваат идеја на научниците за настанувањето на другите соларни системи. Тоа значи дека гигантските планети откриени околу другите ѕвезди најверојатно имаат прстени кои се формираат со сличен процес, додаваат во соопштението . Неодамна е откриен систем на прстени околу некои планети надвор од нашата галаксија, така што идните откритија на прстени и сателити околу далечните планети ќе го унапреди нашето разбирање околу нивните почетоци.