Производството на кокаин рекордно се зголеми откако порасна светската побарувачка по укинувањето на рестриктивните мерки воведени поради пандемијата на ковид-19, се вели во новиот извештај на ОН.

Канцеларијата на ОН за дрога и криминал соопшти дека одгледувањето на кокаин во 2020 и 2021 година се зголемило за рекордни 35 отсто.

Европа и Северна Америка се најголемите пазари за кокаин, а потоа следат Јужна и Централна Америка и Карибите. Додека во извештајот се наведува дека пазарите во Африка и Азија „остануваат ограничени“, Гада Вали од ОН тврди дека потенцијалот за проширување на пазарот е „опасна реалност“.

Во Глобалниот извештај за кокаин се наведува дека зголемувањето на производството е резултат на експанзијата на одгледувањето кокаин. Пандемијата на ковид-19 ги наруши пазарите на дрога бидејќи движењето е ограничено за да се спречи ширењето на вирусот. Побарувачката за кокаин потоа опадна бидејќи ноќните клубови и баровите беа затворени.