Публиката денес не може да се насити од историја, особено историја преточена во телевизиска серија. Во моментов, серијата на Ејч-би-о „Чернобил“ е драматизација на настаните што доведоа до нуклеарната катастрофа, како и настаните по нуклеарната катастрофа.

- Материјалната култура на Советскиот сојуз е репродуцирана со точност што никогаш порано не била забележана на филм - пишува Маша Гесен од „Њујоркер“.

Но, заедно со пофалбата за точноста, доаѓа и критиката за нејзината подлабока замисла и времето и местото на прикажување.

- Серијата не успева точно да ги прикаже советските моќни односи - вели Гесен.

Меѓу застрашувачките вистини на вистинската приказна за катастрофата во Чернобил е колку многу инволвирани лица претходно знаеле што би можело да се случи со реакторот кој експлодирал на 26 април 1986 година.